Jinsi ya kurejesha Akaunti yako ya WhatsApp Simu yako Inapopotea / Kuibiwa


Fikiria kupoteza simu janja yako. Ni jambo linaloweza kukuumiza sana. Kamwe huwezi kutaka hilo litokee. Kupoteza simu katika nyakati za sasa kuna maanisha utapoteza vitu vingi muhimu. Simu zetu zinahifadhi kiasi kikubwa cha data ikiwa ni pamoja na maelezo ya akaunti zetu za benki, picha, video, ujumbe wa maandishi, barua pepe, na mengi zaidi. Simu zetu zinafanya kazi kama digital wallets zetu. Kupoteza simu kuna maanisha, si tu kupoteza kifaa chako lakini pia data muhimu. Data zako zote za siri na taarifa muhimu zitakuwa katika hatari kubwa.

Wakati kupoteza simu ni hadithi nyingine, inaweza pia kuibiwa na mtu. Hutaki mtu yeyote kujua vitu muhimu vilivyomo kwenye kifaa chako. Programu zako zote za mitandao ya kijamii ikiwa ni pamoja na maelezo ya akaunti ya WhatsApp huhifadhiwa kwenye kifaa chako. Mwizi huyo anaweza kujua kila kitu chako. Atawezaa kusoma mazungumzo yako yote muhimu ya Whatsapp.

Wakati bado kuna njia za kurudisha simu yako, kuna kitu ambacho unaweza kufanya ili kulinda akaunti yako ya WhatsApp. Ikiwa unakabiliwa na bahati mbaya ya simu yako kupotea au kuibiwa, unaweza kuhakikisha hakuna mtu anayeweza kutumia akaunti yako ya WhatsApp. Whatsapp imekuwa mojawapo ya vyanzo muhimu vya mawasiliano ya mtandaoni na inachukuliwa kama programu bora ya ujumbe wa papo hapo, tunatakiwa kuhakikisha programu ipo salama kwa kila namna iwezekanavyo.

Jinsi ya kurejesha Akaunti yako ya WhatsApp Simu yako Inapopotea / Kuibiwa

Fuata hatua hizi ili kulinda akaunti yako ya WhatsApp ikiwa simu yako imepotea au kuibiwa na mtu.

Hatua ya 1:

Ikiwa simu yako imepotea au kuibiwa na mtu, jambo la kwanza unalotakiwa kufanya ni kufunga SIM kadi yako kwa kutoa taarifa kwa mtoa huduma wako wa simu.Baada ya laini yako kufungwa, hakuna mtu atakayeweza kutumia akaunti kwenye kifaa chako kilichopotea / kilichoibiwa.

Hii hutokea kwa sababu ni lazima kupokea SMS au simu ili kuthibitisha akaunti iliyohusishwa na namba yako ya simu. Kwa kuwa tayari laini yako imefungiwa, mtu aliye na simu yako hawezi kufikia akaunti yako ya WhatsApp.

Hatua ya 2:

Mara laini yako inapofungiwa, unaweza kurudisha akaunti yako ya WhatsApp kwa urahisi kwenye simu nyingine. Njia rahisi na ya haraka zaidi ya kufanya hivyo ni kutumia laini yenye nambari sawa. Unatakiwa kukumbuka kwamba namba moja ya Whatsapp haiwezi kufanya kazi kwenye vifaa viwili kwa wakati mmoja. Inaweza kufanya kazi kwenye kifaa kimoja kwa wakati.

Hatua ya 3:

Chaguo jingine unaloweza kuchagua ni kutuma barua pepe kwenye timu ya Whatsapp. Ikiwa unaamua kutumia chaguo hili, unatakiwa kuandika sentensi hii ‘Lost/stolen: Deactivate my WhatsApp account’ kwenye barua pepe, pamoja na namba yako ya simu. Unaweza kutuma maelezo haya pamoja na msimbo wa nchi yako (country code). Kumbuka kuandika namba yako ya simu kama ulivyohifadhiwa kwenye simu yako.

Hatua nyingine ya kukumbuka ni kwamba Whatsapp inaweza pia kuendeshwa kwa kutumia Wi-Fi hata kama hakuna laini ndani ya simu. Kwa hiyo, ni muhimu kuwasiliana na timu ya Whatsapp haraka pale tu unapogundua simu yako imepotea hakikisha akaunti yako ya WhatsApp inazimwa mara moja.

Hakuna njia ambayo unaweza kufunga Whatsapp kutoka kwenye kifaa kingine chochote. WhatsApp haikupi njia ya kujua eneo ilipo simu iliyopotea. Watumiaji wana muda wa siku 30 kurudisha akaunti zao za WhatsApp. Baada ya kipindi hicho, akaunti yao itakuwa imefungwa kabisa. Hata kama anwani zako zitakutumia ujumbe wakati huu, zitaendelea kusubiri kwa muda na kisha kufutwa baada ya siku thelathini.

Kuna uwezekano wa kuwa na uwezo wa kurejesha historia yako ya mazungumzo ya WhatsApp ikiwa ume-back up mazungumzo yako yote kwa kutumia Google Drive, iCloud au huduma zingine.

0 Comments

Your email address will not be published. Required fields are marked *

ZINAZOHUSIANA